VOV4.Mnông- Nar 9/9, Thủ tướng Thái Lan Prayuth Chanocha lĕ tât râng rơh rƀŭn nchră gâl têh tâm kơl nkual dak Mê Công pơk hvi GMS tal 7 tĭng trong trực tuyến. Rơh rƀŭn nchră lĕ geh mbơh 3 văn kiện lah nău mbơh nsum tal 7 bâh nuĭh leo kan 6 dak nkual dak Mê Công pơk hvi. Nău nchrăp tâm rnôk geh ntrong kan tâm kơl nău wăng sa tâm nkual dak me Mê Công pơk hvi n’hanh nchrăp nău kan ndâk nsơm n’hanh tâm rdâng đah nău tât bâh nuh srê Covid-19 năm 2021-2023. Ntoh ngơi ta rơh rƀŭn nchră, Thủ tướng Prayut lĕ rnê âk nău kan tâm rdâng bâh lĕ rngôch ăp dak kan ndrel đah nuh srê Covid-19 bâh ăp nău nsrôih lĕ rngôch bâh n’gâng kan an nău ndâk nsơm lĕ rngôch n’hanh nău rêh ueh lơn bâh ăp nuĭh ƀon lan GMS. Rơh rƀŭn nchră aơ lah rơh ueh nkhêp gay ma ăp dak kan ndrel uănh n’hêl n’hanh uănh năl nău ngăch, nkre lah ntrôl nău tâm kơl geh ntrong rdâk njêng tâm ăp dak GMS.

Nuĭh rblang: Thị Đoắt