VOV4.M’nông: Tĭng Kruanh Ngân hàng Trung ương Thái Lan Sê-tha-phút, jâng văng sa bah ăp dak Đông Nam Á aơ nchrăp mra plơ̆ tay bah năp rnôk geh srê tâm 3 khay bôk năm 2023. Wa Sê-tha-phút mbơh, nau ndâk bah jâng văng sa Thái Lan mra mbrơi lơn du đê̆ dak êng tâm nkuăl. Nau kan ndâk njêng hôm mbrơi ndrel mô geh tâm ban bah Thái Lan hŏ jêng tă bah nau kan văng sa dak aơ nsing ngăn tâm nau kan pâl n’aih, jêr ngăn ndâk tay tâm rnôk lam ntur neh hôm rdâng ma srê Covid-19. Nau kan pâl n’aih geh nklăp 14% GDP bah Thái Lan tâm năm 2019, năm bah năp rnôk geh srê. Aơ kŏ lah năm ma Thái Lan rgum geh 40 rkeh tơ̆ nặch dak ba dih tât ma neh dak aơ yơn lah rnoh nê hŏ n’huch jur hôm 200 rbăn tâm năm aơ./.

Nŭih rblang: H’Thi