VOV4.M’nông: Tĭng nau mbơh ngăch bah N’gâng kan ntĭm nti, nar thi bôk năp, rơh thi tốt nghiệp THPT năm 2021, rnoh geh se tât râng thi lĕ 2 môn Ngữ văn ndrel Toán kŏ geh rlau 97% rđil đah đăng kí thi. Lam dak geh 9 kon se geh tih nau ntrŭnh thi mô hôm ân thi. Tĭng nau uănh năl bôk năp bah kon se thi, nai nti ndrel âk nŭih ƀon lan, đề thi môn ngữ văn ndrel bài thi Toán tâm bôk nau ntĭm nti Trung học phổ thông, geh nau pă tâm di. Ăp Hội đồng thi hŏ ƀư ueh nau kan njrăng rdâng srê Covid-19 ndrel ntrŭnh nau kan nchrăp njrăng ân tâm di, ri ma rklaih ngăch ăp nau tât, đăp mpăn ƀư ân rơh thi rjăp, nâp. Lơ 8/7, nar di dăch dŭt bah rơh 1, rơh thi tốt nghiệp THPT năm 2021, mông ôi kon se thi tổ hợp Khoa học Tự nhiên mô lah Khoa học xã hội, kêng măng thi môn Ngoại ngữ./.

Nŭih rblang: H’Thi