VOV4.M’nông: Ôi lơ 27/5, N’gâng kan ntĭm nti ƀư rƀŭn trực tuyến đah 63 n’gor, nkuăl ƀon têh mpeh nau ƀư thu tốt nghiệp THPT năm 2021. N’gâng kan ntĭm nti lah rjăp hôm nsôih ƀư rơh thi aơ, yơn đă đăp mpăn ndrel rjăp ăp nau kan ân lor. Tĭng n’gâng kan ntĭm nti, đah kon se nti jrâu 12, rnôk aơ geh 18 nŭih F0, 394 nŭih F1, ngăn lah tâm 4 n’gor Bắc Giang, Bắc Ninh, Hà Nam ndrel Điện Biên. Yơn lah, yor hŏ geh nau blau tă bah nau ƀư thi tâm năm e, yor ri N’gâng kan hôm ƀư rơh thi aơ. Rnôk aơ N’gâng kan hŏ ndâk nau kan gay ma rdâng đah nau tât. N’gâng kan ntim nti đă ăp n’gor ndâk nau kan ngăn gay ƀư rơh thi tâm rnôk geh srê Covid-19./.

Nŭih rblang: H’Thi