VOV4.M’nông: Ngoại trưởng Thổ Nhĩ Kỳ lah rjăp mbra ntơm tĭng ƀư ăp njuat hăn na nê̆ n'hanh rdâk njêng ăp trong nchrăp kan bar ding tâm let năp tay, gay rgâl uĕh tâm boh wăng sa n'hanh tăch rgâl đah Thổ Nhĩ Kỳ n'hanh Hy Lạp. Nău mbơh dơi Ngoại trưởng Thổ Nhĩ Kỳ ndơ̆ luh lôch rơh kuăl điện tâm nchră đah nuĭh ndrel gưl kan Hy Lạp ta thủ Athens tâm nar 31/5. Bah meng nê, kruanh rđău kan tâm boh dak bah dih 2 dak mbơh mbra kơp dơn hộ chiếu vắc-xin bah dak băl đŏng, nkre rdâk njêng trong nchrăp nsum ntop kơl ntrŭt ntrôl pâl nđaih sĭt jêng tay bah kơi nuh srê têh. Ngoại trưởng Thổ Nhĩ Kỳ an gĭt, Tổng thống Thổ Nhĩ Kỳ n'hanh Thủ tướng Hy Lạp nchrăp mbra geh rơh kuăl điện tâm nchră bah meng tâm nchră gưl têh NATO ta Brussels, Bỉ tâm nar 14/06 tât./.

Nuĭh rblang: Điểu Thân