VOV4.M’nông: Chính phủ bah Thủ tướng Ấn Độ Narendra Modi hŏ ƀư rơh dăp rgum chính phủ, đah rlău 40 ntŭk gŭ kan dơi rgâl, tâm nê geh 15 nsưng gŭ kan gưl bộ trưởng let lơ. Aơ dơi uănh lah rơh dăp rgum chính phủ dŭt têh kơp ntơm bah rnôk wa Modi hao mât bôk năm 2014 n'hanh lah  lor bôk năp tâm năm kan tâl bar dja. Chính phủ mhe geh tât 43 ntŭk gŭ kan dơi rgâl mô lah n'hao kan, ăp nuĭh dja hŏ ton dơn nău kan. Bol ma săk na nê̆ mô hŏ dơi mbơh yơn ăp nău n'glêh an rgâl bah Thủ tướng Modi đah ăp ntŭk gŭ kan gưl bộ trưởng gay ntơh măt an lĕ rngôch ăp băl tâm boh tâm rgop, ăp bang, ăp rơh kơn, ăp gưl nău rêh jêng ta Ấn Độ.

Nuĭh rblang: Điểu Thân