VOV4.M'nông: Tâm mông nar mbah rhơn 88 năm nar ndâk njêng Đoàn TNCS Hồ Chí Minh (26/3/1931-26/3/2019), ta ntu\k kan Chính phủ, Thủ tướng Nguyễn Xuân Phúc mhe geh rơh pah kan đah TW Đoàn TNCS Hồ Chí Minh. Thủ tướng đă Đoàn Thanh niên ndâk njêng rup ndah ntrong leo druh ndăm tâm rnôk rgâl mhe đah nău blău, nău reh ueh, janh dăng, tâm di nău đă ndâk njêng n’hanh mât njra\ng bri dak tâm rgnôk rgum lăp lam ntur neh n’hanh ntul rlong bah neh dak. 

   Ta rơh pah kan, Bí thư bôk năp Trung ương Đoàn Lê Quốc Phong mbơh nău kan nsum t^ng [ư N’glôch jêh bah Thủ tướng ta rơh pah kan năm 2018, tâm nê geh nău ntrôl dăng an [ư Đề án n’hao dăng nt^m nti trong ue\h cách mạng, nuih n’hâm, gu\ rêh ue\h an druh ndăm, rchong n’hanh kon se jê| lvang năm 2015- 2020; ntuh kơl hun hao n’hanh n’hao săk geh tam nău kan ăp nău way văn hoá an druh ndăm rchong kon se jê|…

            Trung ương Đoàn le\ lor nchrăp an [ư pah kan nt^m nti an rơh mom ndăm kơt Năm mom ndăm blău [ư mhe; rơh rgo\ jă: “Ăp nar du nău lư ue\h, ăp pơh du nău nkoch ue\h”; rgum nchră: “Rdâk njêng băl ue\h- Lah mô đah tâm lơh kon se hăn nti”…pah kan ntop kơl druh ndăm manh tơm prăk hun hao wa\ng sa, nta joi nău kan đăp mpăn ta ntu\k dơi Trung ương Đoàn uănh khlay. A[aơ n’gluh an manh bah Đoàn ma bôk nău kan rdâk nsing nơm đah Ngân hàng Chính sách Xã hội lah rjăp 24.800 rmen prăk đah 9 bôk nău kan an manh dơh.

            N’glôch jêh  nar pah kan, Thủ tướng Nguyễn Xuân Phúc lah rjăp nău khlay [ư tơm bah druh ndăm đah nău hun hao bah neh dak. Kruanh rđău kan Chính phủ n’hanh âk n’gor le\ n’hao dăng tâm mâp, tâm nkoch bri đah druh ndăm, djăt nău u\ch geh, nău u\ch ro\ng bah druh ndăm, nkra ăp nău dăn đă bah mpôl kan Đoàn. Đoàn druh ndăm le\ rgo\ jă trong leo [ư ntơm njêng nău kan đah âk trong [ư ue\h, wa\ch rgum âk druh ndăm râng rgâl mhe, âk druh ndăm geh nău dơi đah ăp ndơ blău [ư njêng mhe.

            Rnê Trung ương Đoàn le\ rđău đă t^ng [ư jăp le\ 6 ntil nău kan têh, yơn Thủ tướng ndơ\ luh du đêt ntu\k hôm nchiăng khan tâm pah kan nsum đah du đêt n’gor, n’gâng kan mô ho\ lhăt; pah kan nt^m nti nuih n’hâm ue\h gu\ rêh an druh ndăm, rchong mô ho\ geh nău dơi tam âk; mât ue\h trong dâk hăn cho\l lor bah druh ndăm hôm đêt…

            Jêng nê, Thủ tướng rđău đă nău kan let năp tay đah Trung ương Đoàn:

            “Nuih n’hâm lah ăp oh nô ân t^ng  dăch dêh nău kan, groi t^ng trong nchrăp. Trong dăn ngoăy, trong nchrăp 10, trong nkra [ư 20 ri mơ geh nău dơi. Mpôl hên njrăng đă ăp oh nô ân way rgâl mhe nău kan gay wa\ch rgum đoàn viên druh ndăm lơn đo\ng. Mhâm [ư du nuih n’hâm lah druh ndăm ân geh nău g^t blău bôk rngok, geh nuih n’hâm ue\h. ăp gưl, ăp n’gâng kan, ăp cán bộ kruanh rđău kan ân uănh khlay tât druh ndăm n’hanh pah kan đoàn, tât rơh kơn mom ndăm tâm lam trong nkra nău kan, ntêm tơm ndơ ntop kơl druh ndăm [ư lôch jêh du đêt nău kan jăch ndăn.

            Thủ tướng nkoch du đêt ntul rlong đah druh ndăm, tâm nê ntu\k pơk uănh mạng xã hội geh âk mpôl mh^k djơh nuih ko\ng, hu\ch hêng, têk klônh druh ndăm đah âk nău nkoch djơh, nsu\k nsôr, choh chôl, [ư khuch tât nău nsing nơm bah druh ndăm. Thủ tướng ndơ\ luh du đêt nkô| nău kơt druh ndăm đah nuih n’hâm ue\h an lam rêh jêng kon nu^h, đah  văn hoá, đah wa\ng sa ntu\k tăch rgâl; druh ndăm nkre đah rơh cách mạng 4.0; druh ndăm đah rgâl duh nđik trôk nar n’hanh ntu\k gu\ rêh bri dak; druh ndăm đah nkô| nău ntơm njêng nău kan, rgâl blău [ư mhe…

            Thủ tướng đă ân rdâk njêng rup nt^t druh ndăm tâm rơh mhe đah nău dơi kan, nuih n’hâm ue\h, han săk, to\ng di đah nău u\ch geh rdâk njêng n’hanh mât njrăng neh dak tâm rơh lăp rgum dak bah dih n’hanh ntul rlong bah neh dak. Ăp ntu\k mât bôk kan đoàn ân geh âk nău kan rơ\ mpưm, wa\ch rgum druh ndăm râng ăp trong leo [ư cách mạng, lơn lah ta ăp n’gor jêr jo\t, mpơl kloh nău khlay [ư tơm hăn dâk lor “Ntu\k u\ch druh ndăm geh, ntu\k jêr geh druh ndăm”.

            Ta rơh pah kan, Thủ tướng nău dăn đă bah Trung ương Đoàn mpeh rdâk njêng Đề án t^ng [ư tâm lvang năm 2020- 2030, lah: Đề án nt^m nti du trong ue\h cách mạng, nuih n’hâm ue\h, trong gu\ rêh an druh ndăm rchong kon se jê| ta trôm mạng n’hanh Đề án njrăng n’gang ma tuý tâm druh ndăm.

            Thủ tướng u\ch mpeh trong nchrăp dăn đă bah Trung ương Đoàn mpeh nău rdâk njêng du ntu\k rgum ntơm njêng nău kan an druh ndăm t^ng nuih n’hâm lam rêh jêng kon nu^h, ntru\t nsôr nuih n’hâm ntơm njêng nău kan rgâl mhe tâm druh ndăm, nkre jao du đêt n’gâng kan geh tât gu\ m^n geh nău dơi, mbơh Thủ tướng m^n uănh n’glêh an./.

Nu^h nchih rblang: Điểu Thân