VOV4.M’nông: Ntŭk nkoch mbơh nau Điện tín (Telegraph) bah Anh 6/9 ndŏ luh, Thủ tướng Anh Bô-rít Giôn sơn ndrel Kruanh N’gâng kan gưl prêh mra tât Mỹ tâm rơh êng tâm ăp pơh tât. Tĭng n’ha báo Điện tín, geh tât 7 nŭih kan chính trị gưl prêh bah Anh mra tât Mỹ tâm ăp rơh khâl ngăn tât ăp pơh tât, geh Kruanh n’gâng kan Anh, kruanh n’gâng kan Nội vụ, Kruanh n’gâng kan tơm prăk ndrel ăp nŭih kan bah Chính phủ Mỹ gay tâm nchră ndrel râng rƀŭn tâm khay 9 ndrel bôk khay 10. Ăp rơh khâl geh ân lah mra geh tâm rnôk ƀư gay ăp Kruanh n’gâng kan Anh ƀư ueh nau tâm boh đah ăp nŭih ndrel gưl kan Mỹ tâm nau tâm boh ueh khlay Mỹ-Anh mâp nau jêr jêh nau kan rhuăt luh tahen mô geh nau nâp ueh ta Afghaninstan. Tĭng nau nchrăp, êng nau tâm nchră đah ăp N’gâng kan chính phủ Mỹ, Thủ tướng Giôn-sơn nchrăp mra ntoh nau ta rơh rƀŭn Đại hội đồng Liên hợp quốc tâm New Yoork tâm dŭt khay 9./.

Nŭih rblang: H’Thi