VOV4.Mnông- Thủ tướng Anh Boris Johnson nar naơ 19/9 ntơm rơh tât khâl Mỹ tâm 4 nar, ndrel đah ăp ntŭk kan gâl têh tâm chính phủ gay ma ntrŭt đă ăp nuĭh leo kan lam ntur neh tât râng Đại hội LHQ ƀư tĭng nău pah kan ndal mpeh trôk nar mih sial. Nuĭh leo kan Anh nchrăp tâm nar aơ 20/9 mbra ndrel đah Tổng thư ký LHQ Antonio Guterres leo du rơh rƀŭn nchră mpeh rgâl trôk nar mih sial. Tĭng nău mbơh bâh Thủ tướng Anh, ta nău kan nchră nău đah dak bah dih dŭt têh tâm năm aơ ta New York, păng mbra ntrŭt đă ăp nuĭh leo kan lam ntur neh ƀư tĭng nău pah kan na nê̆ gay ma dơi geh nău dơi an rơh rƀŭn nchră gâl têh  LHQ rơh aơ tal 26 mpeh rgâl trôk nar mih sial COP 26 n’hanh mât đăp mpăn dơi geh ăp nkô̆ mpŏng mpeh trôk nar mih sial. Aơ lah rơh tât khâl bôk năp bâh wa Johnson tât Nhà trắng kơp bâh ntơm Tổng thống Joe Biden dơn nău kan ta bôk năm aơ.

Nuĭh rblang: Thị Đoắt