VOV4.M’nông: Ta năp nău tât krit nji bah nuh srê COVID-19 ta nkual ƀon têh Hồ Chí Minh n'hanh ăp n'gor tơm khlay mpeh bah dâng, ôi (15/7) Thủ tướng Chính phủ Phạm Minh Chính hŏ ƀư tơm rơh tâm nchră pơk sŏng dăng Rnâng kan Chính phủ đah 27  n'gor mpeh bah dâng mpeh pah kan njrăng n'gang nuh srê Covid-19. Ta rnôk tâm nchră, Thủ tướng Chính phủ đă ăp đại biểu rgum tâm nchră uănh năl nô nău nuh srê Covid-19 aƀaơ n'hanh nchroh nô nău tâm let năp tay; nău dơi, rbăn lhơ tâm rnôk tĭng ƀư ăp nău dơn kan, trong nkra tâm bah ri aơ nơh n'hanh nkô̆ bah ăp nău dơi, rbăn lhơ; nchŏng luh ăp nău tă ơm gĭt kan n'hanh ăp nău dăn đă, ăp nău dơn kan, trong nkra ân dơi tĭng ƀư tâm let năp tay, lơn lah mpeh nkô̆ nău pah kan rđău đă, leo tĭng ƀư, nău tâm boh kan nsum đah ăp n'gâng kan, ăp n'gor gay pah kan njrăng n'gang nuh srê Covid-19 geh nău dơi tam lơn, kalơ nuĭh n'hâm mât njrăng n'hâm suan nuĭh ƀon lan lah nău khlay lor bôk năp./.

Nuĭh rblang: Điểu Thân