VOV4.M’nông: Campuchia nar (3/5) năl geh rnoh nuĭh ntưp COVID-19 mhe âk mô hŏ tă geh, hao tât 841 nuĭh. Yơn, Thủ tướng dak dja Hun Sen măng ndrel nar mƀơk lhoi nău ntrŭnh mpă wêl njrăng n'gang nuh srê COVID-19 đah thủ đô Phnôm Pênh n'hanh nkual ƀon têh kâng n'har thủ đô lah Ta Khmao. Tĭng wa Hun Sen, nău ntrŭnh mpă wêl mbra hôm dơi mât ta du đêt nkual geh ma nău ntưp hô đŏng, uănh saơ rnoh nuĭh ntưp mhe mô rlu hao âk. Ta Facebook êng nơm, Thủ tướng Hun Sen mbơh, chính phủ hoàng gia Campuchia hŏ ntrŭnh an mƀơk lhoi nău ntrŭnh mpă wêl 6/5, rgâl ma ăp trong mât kân mhe gay nking nchăng nău ntưp rêng bah nuh srê COVID-19.

Nuĭh rblang: Điểu Thân