VOV4.M’nông: Thủ tướng Chính phủ hŏ an dŏng si ƀŭt n'glêh an mbrô 1163/QĐ-TTg Uănh an dŏng trong hun hao tăch rgâl tâm dak rơh kêng dŭt năm 2030, uănh ngai tât năm 2045. Nău ŭch nkrum lam lĕ rngôch bah trong kan têh jong lah "Hun hao tăch rgâl tâm dak têh mhe, gĭt blău, hun hao ngăch n'hanh nâp dăng, lah jâng ndăl, ntŭk nsing nâp an nău kan ƀư njêng tâm dak nar lơn ma rgâl mhe, hun hao; Rdâk njêng săk ntơ lư ndơ Việt Nam, mât njrăng nău geh bah nuĭh dŏng ndơ, doanh nghiệp ƀư njêng, tăch rgâl tâm dak n'hanh bah jâng wăng sa, tŏng đah nău ŭch geh nar lơn ma âk mpeh hun hao wăng sa- rêh jêng kon nuĭh, njêng jâng ntơm nâp gay râng lăp jru lơn tâm wăng sa nkual n'hanh lam ntŭr neh". Nău ŭch tât lvang năm 2021- 2030: rnoh ngăch hun hao rnoh khlay kơi ntop tay tăch rgâl tâm dak geh nklăp 9- 9,5%/năm, tât năm 2030 rgop nklăp 15,0- 15,5% tâm GDP lam dak; nsĭt geh tăch rgâl điện tử âk nklăp 10,5- 11% lĕ rngôch rnoh geh ndơ tăch chrai n'hanh nsĭt geh rhŏ dŏng ndơ, rnoh ngăch hun hao rĭng 20- 21%/năm./.

Nuĭh rblang: Điểu Thân