VOV4.M’nông: Lơ 30/7, Thủ tướng Chính phủ Phạm Minh Chính ƀư tơm nar rƀŭn trực tuyến Chính phủ đah ăp nkuăl mpeh nau kan njrăng, rdâng srê Covid-19 ndrel nau ƀư, ntrŭnh ăp nkô̆ nau, nau ƀư geh Quốc hội gưl XV ntrŭnh ra riưh rƀŭn bôk năp geh tât nau kan njrăng, rdâng srê Covid-19. Thủ tướng Chính phủ Phạm Minh Chính mbơh, rơh srê Covid-19 tal 4 aơ hŏ rlet rlau bơi tât 100 nar, nau geh srê hôm geh mâp nau jêr, ngăn lah tâm nkuăl ƀon têh Hồ Chí Minh, du đê̆ n’gor mpeh ba dâng ndrel tâm nklang. Rơh rlau aơ, ndrel ma nau rđau kan bah Đảng, Quốc hội ho lăp kan ngăn đah “nau lơh njrăng, rdâng srê Covid-19”. Thủ tướng Chính phủ đă ăp ntoh măt râng rơh rƀŭn nchră mpeh nau kan njrăng, rdâng srê Covid-19, gay tă bah nê, Chính phủ geh nau ntrŭnh mpeh nau ƀư ăp nau kan ndal, njrăng rdâng srê Covid-19./.

Nŭih rblang: H’Thi