VOV4.M’nông: Thủ tướng Chính phủ mhe an dŏng nău ntrŭnh mbrô 13/CT-TTg mpeh ntrôl ngăch n'hanh n'hao săk tam rdâk njêng Trong nchrăp ntuh kơl nsum lvang năm 2021- 2025. Thủ tướng Chính phủ đă ăp Bộ trưởng, Kruanh ăp nhih pah kan tâm ban Bộ, nhih pah kan mpeh Chính phủ, ăp nhih pah kan êng ƀa ƀă ta Trung ương, ăp mpôl kan chính trị- rêh jêng kon nuĭh; đă ăp nuĭh Bí thư tỉnh ủy, thành ủy n'hanh đă ăp kruanh Ủy ban nhân dân ăp n'gor, nkual ƀon têh mpeh trung ương rgum rđău đă tĭng ƀư ăp kôp, lĕ n'hâm suan ăp nkô̆ khlay bah kơi aơ: grêt dăch n'hanh ƀư jêng ngăn ngăn ăp nău mĭn, rnoh tât, nău ŭch kan, trong nkra, 3 đăt ndal nkoch ta trong hun hao wăng sa- rêh jêng kon nuĭh 10 năm 2021 - 2030, trong rƀŏng hun hao wăng sa- rêh jêng kon nuĭh 5 năm 2021 - 2025 hŏ dơi Đại hội tâl XIII bah Đảng uănh an dŏng. Ntuh kơl geh rgum tơm, leng di tâm tâm ăp n'gâng kan, trong kan n'gâng tơm, ăp nkual hun hao ngăch dăng, ăp trong nchrăp kan têh, khlay bah neh dak, trong nchrăp têh hvi, buăt nthoi nkual, ăp trong nchrăp kan khlay, jăch ndăn bah n'gor gay n'hao tam dŏng tơm prăk ntuh kơl nsum./.

Nuĭh rblang: Điểu Thân