VOV4.M’nông: Văn phòng Chính phủ mhe geh si ƀŭt mbơh n'glôch jêh bah Thủ tướng Chính phủ Phạm Minh Chính (mbrô 133 nar 29/5/2021) ta rơh hop mpeh nô nău, lôch jêh pah kan n'hanh ăp nkô̆ nău nchiăng khan jăch ndăn rgum rđău đă bah Bộ Công Thương. Tâm ăp nkô̆ nău jăch ndăn geh trong kan điện lực. Tĭng nê, Thủ tướng Chính phủ jao an Groi thủ tướng Lê Văn Thành rgum rđău đă, ôp uănh tay ăp tŏng lam lĕ rngôch nkô̆ Dăp rgum Điện 8 đăp mpăn tâm di đah ngăn ngăn, ndơ̆ nău geh neh dak n'hanh rnoi nuĭh dâk bôk năp, lơn lah uănh khlay njrăng bah ndâp mpôn mô kloh rvah tâm rdâk njêng trong kơl, nuĭh tih ân rmal lhăt tĭng di nău way bah Đảng n'hanh trong kơl pháp luật bah Ngih dak. Tâm nê ân uănh khlay gŭ mĭn rblang kloh mpeh rnoh khlay điện; nău tâm pă tâm ban mpeh dăp rgum tơm điện (kơt thủy điện, nhiệt điện, ŭnh nar sĭt jêng tay) n'hanh mât njrăng nău tâm di đah ăp nkual, der bah mpŭng lir tơm ndơ lam rêh jêng kon nuĭh./.

Nuĭh rblang: Điểu Thân