VOV.M'nông: Nkhêp geh khay kan an kon se năm 2021, Thủ tướng Chính phủ kí si ƀŭt n'glêh an mbrô 830, nar 01/6/2021 uănh an dŏng bôk nău kan mât njrăng n'hanh ntop kơl kon se tâm dâl kloh uĕh, blău ƀư mhe ta ntŭk gŭ rêh mạng lvang năm 2021-2025. Aơ lah lor bôk năp Việt Nam an dŏng du bôk nău kan gưl neh dak êng mpeh nkô̆ nău mât njrăng kon se ta ntŭk gŭ rêh mạng. Bôk nău kan geh "rnoh kan ndrop" lah: Mât njrăng nău mpôn hôch nău rêh êng bah kon se n'hanh nking nchăng, rmal ăp nău tih nde tâm mạng gay lăp lơh khuch tât kon se, tâm nê êng uănh khlay tât nău năp nti nău gĭt blău an kon se, nău blău tâm di tĭng rơh năm deh (dăng chŏl mbrô) gay kon se gĭt năl êng n'hanh geh nău dơi mât njrăng êng săk nơm kalơ mạng. Nău ŭch tâl bar, bôk nău kan mât du ntŭk gŭ rêh kloh uăh, hun hao ăp ntil ndơ geh ƀư, ứng dụng Việt an kon se kơt nti, buăt nthoi, pâl rlưn uĕh mƀak du trong blău mhe./.

Nuĭh rblang: Điểu Thân