VOV4.Mnông – Thủ tướng Chính phủ mhe ký an Nghị quyết mrô 09/NQ-CP nar 18/5/2021 mpeh nău rwăt vaccine njrăng Covid-19. Ta Nghị quyết, Chính phủ jao an N’gâng kan dak si ndăn ƀư rwăt vaccine du trong ngăch ngăn gay dơi mbơh ƀư chuh vaccine ta lam hvi an nuĭh ƀon lan. Bah năp nĕ, Thủ tướng Chính phủ Phạm Minh Chính lĕ âk tơ̆ lah rjăp, ta năp ăp nău rgâl mhe bah srê, trong kan njrăng n’gang srê rgâl tay nu nău, tâm rgop uĕh, tâm di, săk rnglăy đah njrăng rdâng n’hanh rdôl lơh, ƀư săk rnglăy nău kan “5K+vaccine”.  Chính phủ jao an N’gâng kan dak si chuh vaccine ta lam hvi an nuĭh ƀon lan. Ntŭk ndơ̆ nău: Báo điện tử Chính phủ. Thủ tướng đă nsrôih ƀư geh săk rnglăy nău kan vaccine, na nê̆ lah ntrôl ngăch lơn tay nău gĭt rwăt, nglăp rwăt ăp vaccine tĭng di nău ntĭm bah Thủ tướng Chính phủ; dơn jao công nghệ, ntrôl ngăch mĭn njêng n’hanh nkra njêng vaccine tâm dak; ƀư chuh an tam, mĭn njrăng n’gang n’hanh rblang kloh rnôk geh nău.

Nuĭh rblang: Y Sưng Phê Ja