VOV4.M’nông: Kêng măng 21/9, Thủ tướng Chính phủ Phạm Minh Chính ƀư tơm nar rƀŭn trực tuyến đah 32 n’gor mpeh nau kan njrăng rdâng srê Covid-19. Aơ lah ăp n’gor dôl ma geh srê mô lah ăp nkuăl công nghiệp, ntŭk ê nkra têh. Thủ tướng Chính phủ Phạm Minh Chính lah, nau kan lŏ geh tât jêr rdâng, jêr nchroh. Du tŏ tay đŏng Thủ tướng nkah, srê mra dơi ntoh luh tâm ăp ntŭk, ăp rơh ri ma mô dơi thơ tha ân geh njrăng. Rơh aơ, lam ntrong kan chính trị tâm dâng ân geh lăp kan ân rjăp lơn, ngăn lah rjăp, ân mât tâm dâng. Bah nau mât nŭih tâm nkuăl, tâm rgop ân rjăp, công an, tahen, ăp mrôt ƀư nau kan gay ƀư ân ueh nau nkhah, nau rnă njrăng, đăp mpăn, ueh lăng ân ƀon lan. Thủ tướng lah rjăp, nkô̆ nau bar ntil kan lah nau jêr. Yơn jêr kŏ ân geh ƀư, rlat rlau gay ma ƀư ân rjăp nơm, geh tay nau blau rđau đă. Mât tâm dăch ma nau ngăn, nchroh ueh nau kan gay ma ndŏ luh ăp nau kan ân tâm di, nâp tam, leo nsĭt nau rnơm ân ƀon lan, leo luh ăp nau kan geh nau dơi./.

Nŭih rblang: H’Thi