VOV4.M’nông: Kêng măng 3/11, nau vơt ngăn Thủ tướng Chính phủ Phạm Minh Chính ndrel rmôt kan ntoh măt gưl prêh Việt nam khâl ngăn dak Cộng hoà Pháp hŏ geh ta Điện Invalides ta Thủ đô Paris. Jêh nar vơt ngăn, Thủ tướng Chính phủ Phạm Minh Chính hŏ tâm nchră đah Kruanh Thượng viện Pháp Gerard Larcher. Kruanh Thượng viện Pháp ntoh nau rnê ngăn mpeh Việt Nam hŏ geh âk nau dơi mpeh nau rgâl văng sa mât nau dơi hun hao ngăch, yơn nkre hôm mât ueh nau kan vay ơm bah nơm.

Thủ tướng Phạm Minh Chính rnê prêh ngăn ăp nau rgop têh khlay bah ntŭk kan nghị viện bar dak tâm nau mât nâp nau tâm boh tâm âk nau kan âk ding Việt Nam-Pháp. Bar ding kŏ tâm nchră mpeh nau kan văng sa ndrel lam ntur neh ndrel uănh khlay, tâm nê lah nau kan biển Đông ndrel lah rjăp ăp dak ân geh nau rgop tâm nau mât nau rnă njrăng, đăp mpăn ndrel nâp nâl. Jêh nê, Thủ tướng Phạm Minh Chính ndrel Thủ tướng cộng hoà Pháp Jean Castex hŏ râng nar kí ton ăp nau nchrăp tâm boh đah ăp ntŭk kan ndrel ntŭk ƀư kan bar ding./.

Nŭih rblang: H’Thi