VOV4.M’nông: Dĭng nar aơ tĭng mông Việt Nam, Thủ tướng Chính phủ Phạm Minh Chính ndrel rmôt kan gưl prêh dak nơm hŏ ntơm hăn khâl ngăn dak Nhật Bản tĭng nau jă bah Thủ tướng Nhật Bản Kishida Fumio. Rơh khâl ngăn Nhật Bản bôk năp bah Thủ tướng Phạm Minh Chính geh tâm rnôk nau tâm boh đah bar dak tâm rnôk ueh ngăn kơp ntơm bah rnôk nau tâm boh nchră nau, geh nau tâm rnơm.

Rơh khâl ăp lah nhoat gay mbơh ân ueh trong kan đăp mpăn, dah rŏng êng, yor nau đăp mpăn, nâp nâl, tâm boh ndrel hun hao hŏ geh ƀư rjăp ta Đại hội Đảng lam dak tal XIII. Việt Nam mro lah băl, lah dak tâm tăch, tâm rnơm bah Nhật Bản ndrel kơl an Nhật Bản ƀư ân ueh nau kan tâm nkuăl ndrel lam ntur neh, ndrel Nhật Bản rgop ân nau mât ră njrăng, đăp mpăn, tâm boh ndrel hun hao tâm nkuăl. Việt Nam mro rgop nsum ma Nhật Bản pơk luh trong hun hao mhe, ngăn, săk tam lơn tâm ăp nau kan, ngăn lah nau kan văng sa, rnă njrăng, neh dak, n’gor, tâm n’ur ƀon lan./.

Nŭih rblang: H’Thi