VOV4.M’nông: Kêng măng nar 25/5, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Australia Scott Morrison. Ta rơh kuăl điện tâm nchră, Thủ tướng Chính phủ Phạm Minh Chính lah rjăp mbra tâm boh lhăt đah Thủ tướng Scott Morrison gay n'hao tâm boh têh dơi jŏ jong Việt Nam - Australia nar lơn ma lăp jru geh nău tam, lăp jru geh nău dơi ngăn ngăn.

Bar Thủ tướng tâm ban ŭch ân ndơ̆ luh rnoh dơi tât kan têh lơn tâm nău nsrôih n'hao dăng ntuh kơl, tăch rgâl bar ding, rƀŏng tât rdâk hao jêng tay lôch bah kơi nuh srê, ơm wat jêh n'hanh ký ton tâm boh jŏ jong wăng sa, ntrŭt ntrôl tâm boh khoa học công nghệ, an ƀư geh nău tam “Bôk nău kan tâm boh rgâl mhe Việt Nam - Australia lvang năm 2022-2025”. Mpeh nkô̆ nău dak lêng, bar kruanh rđău kan lah rjăp nău khlay bah nău mât đăp mpăn, bah tâm lơh tâm su, rnă njrăng n'hanh dah rŏng nchuăn rdeng dak lêng n'hanh trong trôk, nkra bah tâm lơh tâm su nsing ta luật pháp dak bah dih./.

Nuĭh rblang: Điểu Thân