VOV4.M'nông: Kêng măng nar 14/6/2021, Thủ tướng Chính phủ Phạm Minh Chính hŏ geh rơh kuăl điện tâm nchră đah Thủ tướng Cộng hòa Pháp Jean Castex. Ta rnôk kuăl điện tâm nchră, Thủ tướng Chính phủ Phạm Minh Chính rnê âk ăp trong hun hao tâm boh uĕh lăng Việt Nam- Pháp tâm bah ri aơ nơh, lah rjăp Pháp lah ngoăy tâm ăp dak tâm boh dâk bôk năp bah Việt Nam ta Châu Âu n'hanh ŭch rŏng n'hao dăng lơn đŏng tâm boh way ơm, nsing nơm n'hanh jŏ jong đah bar dak. Bar kruanh rđău kan tâm ban ŭch ndrel tâm pă nău tă ơm gĭt kan njrăng n'gang nuh srê. Thủ tướng Pháp lah rjăp kơl Việt Nam tâm trong pă an vaccine. Mpeh tâm boh wăng sa bar ding, bar kruanh rđău kan hŏ tâm ôp âk trong nkra na nê̆ gay n'hao dăng tâm boh bar dak; lơn lah tâm boh lhăt, nsrôih an ƀư, dŏng geh nău tam Hiệp định EVFTA n'hanh ơm lôch jêh uănh an dŏng EVIPA; nta trong dơh an tăch n'gluh ndơ tuch tăm Việt Nam tâm dak Pháp lơn lah play do dôl ma lăp tâm khay klêh bah Việt Nam aƀaơ./.

Nuĭh rblang: Điểu Thân