VOV4.Mnông – Tâm rơh kuăl tâm nchră đah wa Tedros Adhanom Ghebreyesus, Tổng Giám đốc Rmôt kan dak si lam ntŭr neh (WHO) kêng măng 24/6, Thủ tướng Chính phủ Phạm Minh Chính nkoch nău lah uĕh n’hanh uănh lah prêh tâm boh kan ndrel n’hanh ăp nău ntop kơl khlay bah WHO đah nău hun hao bah nău kan dak si Việt Nam tâm 45 năm bah năp.

Thủ tướng Chính phủ Phạm Minh Chính kuăl tâm nchră đah Tổng Giám đốc Rmôt kan dak si lam ntŭr neh

Ta năp nu nău srê geh jêr jŏt ta du đêt n’gor, nkual ƀon têh bah Việt Nam aƀaơ yor nău rgâl mhe, Thủ tướng đă WHO ntop kơl n’hanh kơl lor an Việt Nam ơm dơi ăp ndơ vaccine bah bôk nău kan COVAX lĕ ton, mĭn lah mbra ƀư chuh tam, ngăch n’hanh đăp mpăn. Nkre, Thủ tướng đă WHO kơl n’hanh ntop kơl Việt Nam jêng ngoay tâm âk ntŭk nkra njêng vaccine an nkual Tây Thái Bình Dương; lah rjăp nău dơi bah nău kan dak si Việt Nam kơt nău geh bah du đêt doanh nghiệp Việt Nam dơi nkra njêng vaccine tâm di nău an lam ntŭr neh. Thủ tướng rnê nău dăn đă bah Tổng giám đốc mpeh nău đă nuĭh way kan WHO ntop kơl việt Nam tâm rnôk aơ.

Nuĭh rblang: Y Sưng Phê Ja