VOV4.M’nông – Thủ tướng Chính phủ Phạm Minh Chính mhe geh nar pah kan đah N’gâng kan tâm rnglăp nchră nău mpeh nău mbơh ƀư trong tâm rnglăp nchră nău tĭng nuih n’hâm Nghị quyết Đại hội rơh tal 13 bah Đảng. Jêh rnôk djăt ăp nău rgop ntoh ngơi, Thủ tướng Phạm Minh Chính rnê rhơn nău kan tâm rnglăp nchră nău bah dih lĕ mât uĕh nău way ơm dơi ntô̆ n’hao bah nău kan, mbơh ƀư dơi trong tâm rnglăp nchră nău bah Đảng, an geh nău uĕh ngih dak rnoi mpôl lor bôk năp.

Lam ntŭk nar pah kan

Thủ tướng đă N’gâng kan tâm rnglăp nchră nău mât uĕh ăp săk rnglăy lĕ dơi geh, ƀư lôch uĕh trong hăn tâm rnglăp nchră nău bah dih đăp mpăn ƀư tơm, đăp mpăn, dăch dêh, kan ndrel n’hanh hun hao, âk trong tâm rnglăp, âk ntil tâm boh tâm rnglăp nchră nău bah dih ma Nghị quyết Đại hội rơh tal 13 bah Đảng n’gluh an, đăp mpăn têh ngăn nău geh an ngih dak rnoi mpôl. Tâm nu nău mhe, Thủ tướng Phạm Minh Chính ntĭm rđău N’gâng kan tâm rnglăp nchră nău an ntrôl dăng hăn lor bah tâm rnglăp nchră nău bah dih tâm nău ndâk njêng n’hanh mât nâp tâm rnglăp, đăp mpăn; rgŏ jă ăp nuĭh gay hun hao, rgop n’hao prêh jâng nsan n’hanh nsing nơm bah neh dak.

Nuĭh rblang: Y Sưng Phê Ja