VOV4.M’nông: Ndơn nau jă bah Thủ tướng dak Campuchia Hun Sen, Thủ tướng Chính phủ Phạm Minh Chính hŏ leo bôk rmôt kan ntoh măt bah Việt Nam râng rơh rƀŭn nchră gưl prêh tâm boh Á-Âu (ASEAM) tal 13 ƀư ntơm lơ 25-26/11/2021 tĭng nau ƀư trực tuyến. Aơ lah nau kan khlay ngăn bah nau tâm boh ASEM tâm 3 năm rlau aơ ndrel geh tâm di rnôk nkah 25 năm ndâk nau tâm nchră (1996-2021). Râng tâm nchră năm aơ geh rđau kan gưl prêh ndrel ntoh măt bah 53 dak kan nsum ASEM. Đah nkô̆ nau “ƀư nâp nau kan âk ding yor nau geh dơi nsum”, ăp rđau kan ASEM hŏ tâm nchră mpeh ăp nau nsôih nsum ndrel tâm boh âk ding tâm nau kan rklaih ăp nau kan nkuăl ndrel lam ntur neh, rdâng đah srê Covid-19, ntrŭt nau ndâk ndrel hun hao văng sa nâp, ăp ntil, ndrel nthoi nau rêh jêng ndrel văn hoá. Ăp rđau kan kŏ tâm pă mbơh mpeh nau kan chính trị, văng sa rêh jêng tâm bar nkuăl neh ndrel tâm nchră mpeh ăp nau kan gay ntrŭt dăng lơn tay nau tâm boh ASEM./.

Nŭih rblang: H’Thi