VOV4.M’nông: Ntoh nau ta nar rƀŭn nau geh mhe bah Châu Á yor Nikkei ƀư tâm lơ 20/5/2021 tĭng nau trực tuyến, Thủ tướng Chính phủ Phạm Minh Chính lah rjăp, du dạk Châu Á hao jêng yor nau đăp mpăn hun hao ndrel nâp nâl nê lah nau ŭch nsum bah neh dak tâm nkuăl, tâm ban đah ăp dak, nsôih bah ăp Chính phủ, nau nsum ty lah ntrong pơk gay ndâk du nau ueh lăng ân Châu Á. Geh ndâk tâm năm 1995, rơh rƀŭn nchră lam ntur neh mpeh nau geh jêng Châu Á lah ngoai tâm ăp nau tâm nchră ăp năm geh nau ueh ngăn ta Châu Á yor rmôt kan Nikei (Nhật bản) ƀư tơm. Rơh rƀŭn nchră rgum nau kơl an ndrel nau râng bah rđau kan gưl prêh, năch, ăp ntŭk kan tăch rgâl, ăp dak Châu Á kŏ kơt lah tnoh măt bah ăp rmôt kan văng sa têh ngăn lam ntur neh. Ta nar rƀŭn, tâm rnôk lam ntur neh ndrel ăp nau kan n’hao dơi tâm nkuăl đah nkô̆ “Ndâk trong ân nau rêh rnôk bah srê Covid: Nau kan bah Châu Á đah nau ndâk hun hao lam ntur neh”. Ntoh nau ta nar rƀŭn, Thủ tướng Phạm Minh chính lah rjăp, Việt Nam ndrel râng ngăn ndrel ăp dak bun dăp đăp mpăn ndrel tâm rnglăp yor nau geh jêng nsum hun hao bah ăp dak tâm nkuăl ndrel nau hơm răm ndrel ueh lăng bah ăp nŭih lam ntur neh./.

Nŭih rblang: H’Thi