VOV4.Mnông- Ôi nar 25/11, geh ƀư tay bôk nău kan tât khâl Nhật Bản, Thủ tướng Chính phủ Phạm Minh Chính lĕ râng rơh rƀŭn nchră mbơh nău ntuh kơl Việt Nam- Nhật Bản đah bôk nău “Việt Nam -Nhật Bản n’hao nău tâm boh kan, tâm kơl ndrel hun hao”.

Thủ tướng Chính phủ Phạm Minh Chính  râng rơh rƀŭn nchră mbơh nău ntuh kơl Việt Nam-Nhật Bản .

Ta rơh rƀŭn nchră, Thủ tướng Chính phủ Phạm Minh Chính an gĭt, wa mhe geh rơh tâm nchră dŭt geh nău dơi đah Thủ tướng Nhật Bản Kishida Fumio n’hanh bar ding tâm ban ŭch geh nău mbơh nsum ta bar dak Việt Nam-Nhật Bản, lah na nê̆, nău tâm boh Việt Nam-Nhật Bản dôl ta rơh dŭt ueh bâh ntơm tât aƀaơ. Aơ lah nău ueh gay ma ntrôl nău tâm nđŭr, hun hao ăp nău kan đah bar dak, tâm nĕ geh tâm kơl hun hao wăng sa. Thủ tướng Phạm Minh Chính an gĭt, Việt Nam geh âk nău ntoh lư gay ma ăp nuĭh ntuh kơl mbra dơi mât đăp mpăn ntuh kơl đah rnoh prăk âk lơn n’hanh jŏ jong, Việt Nam ton nta ăp nău dơh nơih mpeh ntrong kan, nău kan hành chính gay ma doanh nghiệp, tâm nĕ geh doanh nghiệp Nhật Bản ntuh kơl dơh nơih, săk rnglăy ta Việt Nam.

Nuĭh rblang: Thị Đoắt