VOV4.M'nông: Măng nar 9/8, Thủ tướng Chính phủ Phạm Minh Chính râng n'hanh geh nău lah khlay ta rơh tâm nchră pơk hvi gưl têh pơk sŏng dăng bah Hội đồng Bảo an Liên hợp quốc đah nkô̆ “N'hao dăng mât rnă njrăng dak lêng: Du trong kan tâm boh dak bah dih". Aơ lah lor bôk năp Hội đồng Bảo an Liên hợp quốc ƀư du rơh hop êng mpeh nkô̆ nău rnă njrăng dak lêng tâm rnôk nău tât ntul rlong nar lơn ma hô đah rnă njrăng dak lêng lam ntŭr neh n'hanh ăp nkual. Tâm nău lah bah he ta Hội đồng Bảo an, Thủ tướng Chính phủ Phạm Minh Chính nkoch ăp trong nchrăp, trong kan têh bah Đảng n'hanh Ngih dak he mpeh dak lêng, tâm nê geh trong hun hao jŏ jong wăng sa dak lêng Việt Nam; dăn đă n'hao dăng tâm boh dak bah dih gay nkra ăp ntul rlong nsum mpeh rnă njrăng dak lêng, ntrŭt ntrôl nău uănh khlay, tĭng jăp luật pháp dak bah dih, lơn lah Công ước Liên hợp quốc mpeh Luật dak lêng 1982 n'hanh mât đăp mpăn nău dơi, nău geh di bah ăp dak meng dak lêng; bah nê mpơl nău khlay ƀư tơm, nău rgop dơn kan bah Việt Nam đah nău kan bah Hội đồng Bảo an lah êng n'hanh trong rƀŏng rnôk tâm nchră mpeh dak lêng ta ăp tơ̆ rgum nchră âk ding lah nsum./.

Nuĭh rblang: Điểu Thân