VOV4.M'nông: Măng 22/11 (tĭng mông ta ntŭk), Thủ tướng Phạm Minh Chính n'hanh mpôl ntơh măt gưl têh Việt Nam hŏ tât Tokyo, ntơm hăn khâl ngăn Nhật Bản tĭng nău jă bah Thủ tướng Nhật Bản Kashida Fumio. Tĭng trong hăn khâl, Thủ tướng Phạm Minh Chính mbra ôp srĭng nău đah Thủ tướng Nhật Bản Kashida Fumio; uănh saơ ký ton n'hanh tâm ndơ̆ rgâl si ƀŭt tâm boh; ôp srĭng nău đah Kruanh Thượng viện Nhật Bản Santo Akiko; Kruanh Hạ viện Hosoda Hiroyki. Nkhêp geh hăn khâl, Thủ tướng Phạm Minh Chính wơt ăp mpôl kan chính trị rêh jêng kon nuĭh Nhật Bản; Thủ tướng ơm Nhật Bản Shinzo Abe; râng ăp rgum nchră Doanh nghiệp bar ding, tâm nchră ntrŭt ntrôl ngăch ntuh kơl, Tâm nchră tâm boh đah ăp n'gor; wơt ăp tập đoàn, mpôl kan wăng sa têh bah Nhật Bản. Thủ tướng mbra geh rơh mâp cán bộ, nuĭh kan Đại sứ quán Việt Nam, mpôl nuĭh Việt Nam kơt nti, gŭ rêh n'hanh wăng sa ta Nhật Bản. /.

Nuĭh rblang: Điểu Thân