VOV4.M’nông: Kêng măng 28/5, ta nhih pah kan Chính phủ, Thủ tướng Chính phủ Phạm Minh Chính hŏ wơt wa Alok Sharma, Bộ trưởng Chính phủ Anh, Kruanh tâm nchră tâl 26 ăp ding râng tâm ton Rpaih bah Liên Hợp Quốc mpeh rgâl duh nđik trôk nar (COP26), dôl geh hăn khâl n'hanh pah kan ta Việt Nam.

Ta rơh wơt, bar ding hŏ tâm ôp âk nkô̆ nău na nê̆, ngăn ngăn, gay n'hao tay tâm boh Têh dơi jŏ jong Việt Nam- Anh hun hao uĕh tâm rnôk lam ntŭr neh dôl tâm rdâng đah âk ntul rlong mhe, lơn lah rgâl duh nđik trôk n'hanh nuh srê têh COVID-19. Thủ tướng dăn đă Chính phủ Anh ntop kơl tay Việt Nam mpeh prăk kaih, công nghệ, nău tă ơm gĭt kan tâm nău rgâl jêng jâng wăng sa đêt n'gluh carbon n'hanh n'hao nău dơi bên di đah rgâl duh nđik trôk nar, lơn lah ta ăp nkual nar  lơn ma tât khuch hô bah rgâl duh nđik trôk nar n'hanh dak lêng hao. Kruanh COP26 Alok Sharma lah rjăp Anh mbra ntop kơl Việt Nam tâm rdâng đah rgâl duh nđik trôk nar, lĕ ma ntrôl nău hun hao mpeh trong kan ŭnh nar kloh uĕh./.

Nuĭh rblang: Điểu Thân