VOV4.M’nông – Ta Ngih mprơ têh Hà Nội mhe ƀư rnê nkhôm lam dak mpeh nu nău tâm rnglăp nchră nău bah dih rơh tal 7. Ntoh ngơi ta nar ƀư, Thủ tướng Chính phủ Phạm Minh Chính lah rjăp: “Nu nău tâm rnglăp nchră nău bah dihgeh nău dŭt khlay, ƀư an nsum mpôl lam ntŭr neh wât kloh nău ntrŭnh, trong hăn bah Đảng, nău kơl, pháp luật bah Ngih dak; tâm pă, tâm kơl nău mĭn êng bah Việt Nam đah ăp nău nkual n’hanh lam ntŭr neh; mpla nsơ rup ndah neh dak, kon nuĭh, lịch sử, văn hóa bah rnoi mpôl n’hanh ăp nău geh hun hao bah neh dak he”.

Thủ tướng an ndơ nkhôm lam dak mpeh nu nău tâm rnglăp nchră nău bah dih rơh tal 7

Tĭng mpôl rdâk ƀư, ăp tác phẩm, ndơ râng tâm rlong năm aơ geh nkô̆ nău uĕh, âk ntil, lĕ rngôch ăp nău khlay, nău ntoh lư tâm năm 2021. Ntoh lư, âk tác phẩm lĕ gĭt tât công nghệ truyền thông mhe, geh nău khlay nu nău tâm rnglăp nchră nău bah dih, rêng lam hvi, wăch rgum geh nău uănh bah nsum mpôl tâm dak n’hanh dak bah dih.

Nuĭh rblang: Y Sưng Phê Ja