VOV4.M'nông: Ôi 15/11, Thủ tướng Chính phủ Phạm Minh Chính râng Nar Tâm rnglăp lam rnoi nuĭh ta xã Trường Hà, nkuâl Hà Quảng, n'gor Cao Bằng. Lah ta nar rgum, Thủ tướng lah rjăp, tâm 19 năm aơ, nău ƀư Nar Tâm rnglăp lam rnoi nuĭh hŏ jêng nău way ơm uĕh lăng ta lĕ rngôch ăp nkual ƀon lan gŭ, tâm nê geh xóm Pác Bó, Nặm Lìn n'hanh Nà Lẹng, xã Trường Hà.

Ntơh măt kruanh rđău kan Đảng, Ngih dak, Thủ tướng rnê ăp nău dơi, nău geh ma nkuâl, xã, nkual tâm rgop lam ƀon lan gŭ bah 3 xóm hŏ geh ăp nău dơi tâm bah ri aơ n'hanh ŭch rŏng n'gâng kan ta ntŭk ƀư bah tay nău rbăn lhơ mô hŏ dơi ƀư, nkre mât uĕh nuih n'hâm tâm rnglăp lam rnoi nuĭh gay rlău dơi jêr jŏt, nsan hao bah bar jâng lang mpang ti bôk rngok n'hanh nău gĭt blău bah he bah neh ntu bah he, dơi hŭr tŏ yor nău way ơm hŏ lăp tâm si ƀŭt si tra bah rnoi nuĭh gay nsan hao, nsrôih rdâng njêng ƀon tơm neh dak nar lơn ma geh ndrŏng, ƀon lan nar lơn ma dơi hơm răm đăp mpăn./.

Nuĭh rblang: Điểu Thân