VOV4.Mnông- Măng nar 23/11 tĭng mông Việt Nam, di rơh tât khâl ngăn Nhật Bản, Thủ tướng Phạm Minh Chính lĕ tâm mâp ăp nuĭh gĭt blău, nuĭh kan khoa học nuĭh Việt Nam ta Nhật Bản. Ta rơh tâm mâp, ăp nuĭh blău, nuĭh kan khoa học lĕ mbơh tơih an Thủ tướng ăp ntil ndơ, nău geh mĭn uănh mhe tâm du đê̆ ntrong kan kơt lah điện tử, ŭnh nar mhe njêng, dak si, nău gĭt blău...Rhơn, rnê đah ăp nuĭh kan khoa học, Thủ tướng lah na nê̆ nau ŭch hun hao nău khlăy kon nuĭh, nău gĭt blău Việt Nam, nkre lah nkah mbơh n’hanh mbơh du đê̆ bôk nău kan mĭn uănh ma nău ngăn dôl geh mbơh ôp. Thủ tướng ŭch ăp nuĭh gĭt blău, nuĭh kan khoa học Việt Nam ta Nhật Bản an geh mĭn uănh tay, geh âk nău dơi, nău geh ntoh lư tay lơn, dŏng âk nău tâm rgop đah ăp ntrong kan khoa học, ăp nău leo kan khoa học ta lam ntur neh, nsĭt leo nău gĭt, nău blău bâh nơm ntop kơl an neh dak, ƀon tơm n’hanh ntop ndâk nsơm nău tâm boh, tâm kơl đah bar dak Việt Nam-Nhật Bản. Tâm măng nar 23/11, thủ tướng Chính phủ Phạm Minh Chính lĕ geh rơh tâm mâp măt ăp ntŭk rêh bâh nuĭh Việt Nam ta Nhật Bản. Thủ tướng lah na nê̆, Đảng, ngih dak lĕ nta nău dơh nơih ueh ngăn gay ma ƀon lan tâm rgop rdâk njêng n’hanh hun hao neh dak.

Nuĭh rblang: Thị Đoắt