VOV4.M’nông – Ôi 18/11, Thủ tướng Chính phủ Phạm Minh Chính lĕ ƀư tơm rơh rƀŭn chính phủ chuyên đề pháp luật khay 11. Rơh rƀŭn lĕ tâm nchră mpeh 6 nău nchrăp ƀư luật: Luật rnoh khlay ndơ (nkra rgâl); Luật Bảo hiểm y tế (nkra rgâl); Luật Bảo hiểm xã hội (nkra rgâl); Luật njrăng n’gang ƀư prăk tih (nkra rgâl); Luật giao dịch điện tử (nkra rgâl); Luật Lưu trữ (nkra rgâl).

Thủ tướng Phạm Minh Chính ƀư tơm rơh rƀŭn.

Ăp nuĭh tâm chính phủ tâm ban ŭch mpeh nău khlay, nău rƀŏng, nău mĭn nkra rgâl. Bah meng nĕ ăp nuĭh ntoh măt ntĭm ăp nău mô hŏ dơi ƀư ma nău nchrăp ƀư an djăt nkra rgâl. Jêh rnôk djăt ăp nău rgop tâm nchră, Thủ tướng Chính phủ Phạm Minh Chính đă, nău ndâk njêng n’hanh lôch jêh pháp luật an tĭng nu nău, rdâk nkra ăp nău mô hŏ dơi ƀư, wăk kol, jêr jŏt bah luật an aƀaơ gay tâm di ăp nău đă ngăn n’gluh an.

Nŭih blang: Y Sưng Phê Ja