VOV4.M’nông: Tâm kêng măng 3/6, Thủ tướng Chính phủ ndrel ăp nŭih kan tâm Chính phủ hŏ tâm nchră mpeh Bôk nau kan ndâk nkra trong cao tốc lvang năm 2021-2025 ndrel rƀŏng tât năm 2030. Đah bôk nau kan ƀư ndâk nkra trong lvang năm 2021-2025 ndrel rƀŏng tât năm 2030, Thủ tướng kơp dơn, kan hun hao trong hăn, đah 4000 km trong tâm 10 năm tât lah nau kan dŭt jêr, yor ri ân geh rgum lam ntrong kan chính trị ndrel lam ƀon lan lăp kơl. Thủ tướng Phạm Minh chính đă ndâk nkra trog ân geh đăp mpăn tâm di nau geh jêng ndrel geh nau ueh ăp ding. Gay ƀư dơi nkô̆ nau, tĭng Thủ tướng bôk nau kan ân geh ndâk 3 nau mhe: mpeh nau rgum n’hâm, pă trong mât, dŏng, ăp nau kan mpeh ntrong ƀư ndrel ndơ gay ma dŏng nkra trong hăn. Thủ tướng jao ân N’gâng kan gung trong nchuăn rdeng ân lŏ rgum ăp nau đă, tâm rgop nsum đah ăp n’gâng kan, ntŭk kan, nkuăl geh tât ƀư ân jêh bôk nau kan gay Chính phủ mbơh, dăn nau đă bah Bộ chính trị ndrel Quốc hội./.

Nŭih rblang: H’Thi