VOV4.M’nông – Nar 22/8, bah kơi Matxcơva, Thủ tướng Đức Angela Merkel lĕ geh rơh hăn khâl tât Kiev n’hanh rgum nchră đah Tổng thống Ukraine Volodymyr Zelensky. 2 kruanh rđău kan tâm ban ŭch tay mpeh trong mkra an nu nău ta Donbass. Ntoh ngơi ta rơh rƀŭn mbơh nsum jêh nĕ, lĕ 2 kruanh rđău kan an lah, gay mkra nu nău ta Donbass, an tĭng “trong nchrŏng Normandy”. Tổng thống Ukraine Volodymyr Zelensky mbơh, “Nkô̆ nău kơl lor bah rơh rƀŭn tâm nchră lah nău mkra đăp mpăn ta Donbass. Nău khlay lah tâm rnôk bah nău nchrŏng lor Normandy (Đức, Nga, Ukraine, Pháp) geh du nău mĭn tâm ban mpeh trong nchrăp đăp mpăn”. Pơng lah rjăp, Ukraine dôl nsrôih gay dơi đă rlu pănh đăp mpăn, tâm rgâl ăp nuĭh geh nhup kân n’hanh pơk ăp ntŭk uănh nđôi “bah ăp nkual neh geh rŭn in”, kơt gĭt tât an ăp nuĭh ntoh măt bah Ủy ban chữ thập đỏ lam ntŭr neh. 

Nŭih rblang: Y Sưng Phê Ja