VOV4.M’nông: Thủ tướng Đức Angela Merkel lơ 6/9 ton ŭch tâm nchră đah Taliban mpeh nau mhâm ƀư gay ma ntrơn ƀon lan dôl pah kan ân dak aơ luh bah Afghanistan. Thủ tướng Merkel kŏ ân lah, nau kan tach ndeh mpăr Kabul pah kan tay lah du nau ueh. Cao uỷ Liên minh Châu Âu ƀư nau tâm nchră mhe aơ ton lah rmôt aơ mra tâm boh đah n’gâng kan Taliban mhe, lah rmôt aơ geh ryơk nau dơi kon nŭih, geh nau dơi bu ur ndrel mô ân Afghanistan plŏ tay ntŭk jêng nau ƀư rŭng răng. Thủ tướng Merkel ân lah, rnôk aơ Đức ân geh tâm nchră ma Taliban mpeh nau ntrơn ƀon lan ân đăp mpăn. Wa kŏ lah rjăp nau khlay bah ăp ntŭk kơl an lam ntur neh ân geh ƀư nau dơi nau kơl an ta Afghanistan./.

Nŭih rblang: H’Thi