VOV4.M'nông: Thủ tướng Campuchia Hun Sen mbra hăn khâl Myanmar tâm bôk khay 1 năm 2022 tĭng nău jă bah Thủ tướng Chính phủ manh kan Min Aung Hlaing. Lah đah báo chí nar 7/12, nuĭh kơl kan bah Thủ tướng Campuchia Samdech Hun Sen an gĭt, Thủ tướng Hun Sen mbra hăn khâl Myanmar tâm nar 7- 8 khay 01 năm 2022.  Thủ tướng Campuchia mbra mâp Ngoại trưởng Myanmar tâm nchră mpeh du đêt nkô̆ nău gay n'hao dăng tâm boh bar ding, tâm ban kơt tâm nchră mpeh ăp nkô̆ nău bah ASEAN. Đah nău ƀư lah Kruanh ASEAN năm 2022, Thủ tướng Campuchia Hun Sen dôl nsrôih ntrôl dăng tâm boh dak bah dih gay rgâl bah rơh duh jêr ta Myanmar./.  

Nuĭh rblang: Điểu Thân