VOV4.M’nông – Văn phòng mbơh nkoch nău bah Chính phủ Iraq an gĭt nar 25/7, Thủ tướng Mustafa Al-Kazemi lĕ leo mpôl ntoh măt chính phủ tât Mỹ tâm rơh khâl na nê̆ jŏ nar.  Nchrăp, Thủ tướng Al-Kazemi mbra mâp Tổng thống Mỹ Joe Biden tâm rwăch tâm nchră tal 4 đah 2 dak gay tâm nchră mpeh tâm boh Iraq-Mỹ ta âk nău kan ndrel n’hanh ăp nău ndrel uănh. Ta năp rơh khâl, Thủ tướng Mustafa Al-Kazemi mbơh, Iraq mô kâp ăp rmôt tahen tâm lơh dak bah dih ta neh dak aơ, yor ăp rmôt Iraq lĕ an saơ nău dơi ƀư tĭng ăp nău kan nkhah êng gay mât njrăng neh dak n’hanh dun tay rmôt rŭng răng IS. Thủ tướng Iraq mô nkoch kloh mông nar an ăp rmôt tahen Mỹ hăn sĭt, yơn an lah nău aơ mbra tĭng tâm nău đă bah ăp rmôt tahen Iraq n’hanh dak aơ mbra đă tay Mỹ ntop kơl ntĭm nti n’hanh rgum joi nu nău tình báo tahen.

Nuĭh rblang: Y Sưng Phê Ja