VOV4.M’nông – Thủ tướng mhe bah Israel Naftali Bennett mbra mpơl nău mĭn êng chính trị bah êng nơm tâm rơh mâp êp tât đah Tổng thống Mỹ Joe Biden. Aơ nău mĭn lah bah Thời báo New York Times ndơ̆ jêh rơh ôp đah nuĭh kruanh Israel lor rơh hăn khâl Mỹ. Kơt Thủ tướng ơm Nê-ta-ny-ahu, wa Bennett mô kơl nău Mỹ plơ̆ tay tâm ton hạt nhân đah Iran, ŭch pơk hvi ntŭk gŭ ta Bờ Tây n’hanh mô kơl trong nchrăp bah Mỹ pơk mpông plơ̆ tay du lãnh sự quán ta Giê-ru-xa-lem gay rdâk nsơm tay nău tâm boh đah nuĭh Palestine. Yor nê, nău Thủ tướng Bennett ŭch joi du nău mĭn nsum tâm rơh khâl Mỹ rơh aơ mbra rdâng đah âk jêr jŏt. Nchrăp tâm rơh khlâl Mỹ, Thủ tướng Bennett mbra dăn đă du trong uănh têh hvi mhe mpeh Iran.

Nŭih rblang: Y Sưng Phê Ja