VOV4.M’nông: Lơ 26/11, Thủ tướng Israel Náp-ta-li Ben-nét hŏ rƀŭn nchră đah ăp nŭih kan dak si nchră nau rdâng ân nâp tam ngăn đah ntil kman njêng săk SARS-Cov2 geh saơ ta Nam Phi. Tĭng Thủ tướng Ben-nét, hŏ geh nŭih ntưp ma ntil kman mhe geh saơ ta Israel. Ngoai tâm ăp nŭih ji hŏ geh chuh nglai tal 3 (lah nglai dak si n’hao ntop) vắc xin bah hãng Phai-dơ Bai-o-en-tếch bah rnôk aơ 2 khay. Bah năp nê, Israel mbơh mô ân ƀon lan hăn pâl n’aih tât mpeh ba dâng bah Châu Phi ndrel mô ân nŭih dak ba dih lăp tâm nkuăl neh aơ. Ăp nŭih ka khoa học dôl joi trong năl ntil mhe aơ geh nơih ntưp mô lah nơih khĭt nŭih lơn ăp ntil kman njêng săk bah năp nê đŏng lah mô. Ăp dak rvê mpeh nau ji aơ mra ƀư khuch tât ntrong mât chăm n’hâm soan hŏ dôl ma duh jêr rnôk aơ./.

Nŭih rblang: H’Thi