VOV4.M’nông: Lơ 16/8, jêh rnôk rƀŭn Chính phủ geh nau khlay ngăn, Thủ tướng Malaysia Mu-hít-đin Ya-xin hŏ ndŏ săm ƀŭt dăn rlu kan bah năp kđăch dak aơ, yơn lah, păng hôm rđau kan Chính phủ ân tât rnôk geh nŭih ndơn. Tâm du nau mbơh bah Kđăch Malaysia geh nkoch mbơh nau, wa Mu-hít-đin mra mât nau rđau kan Chính phủ ân tât rnôk geh du Thủ tướng mhe ndơn kan. Kđăch Malaysia kŏ lah kloh, kan săch nŭih kan tâm rơh tât mô di lah nau ueh ngăn yor păng geh nau khuch ngăn tât nau geh jêng ndrel nau rnă njrăng ƀon lan. Rnôk aơ ê geh nŭih n’hêl ngăn gay ma ndơn ân wa Mu-hít-đin gay ƀư Thủ tướng. Kđăch Malaysia mra ntơm săch nŭih dâk bôk Chính phủ jêh rnôk geh moh săk nŭih ŭch ƀư nau kan tă bah ăp nŭih kan Quốc hội./.

Nŭih rblang: H’Thi