VOV4.M’nông: Tĭng ntŭk nkoch mbơh nau ta ntŭk, Thủ tướng Malaysia Mu-hít-đin Ya-sin mra nsrŭng nau kan tâm lơ 16/8, jêh rnôk păng roh âk nsưng kan Quốc hội yor nau tâm rkeh tâm nau mât nau kan. Nau ma păng ân nsrŭng nau kan bah wa Mu-hít-đin Ya-sin nsrŭng 17 khay ƀư nau kan đah âk nau tâm rklăch bah nŭih dâk bôk Chính phủ Malaysia. Neh dak Đông Nam Á aơ dôl rdâng đah srê Covid-19 kŏ kơt lah ăp nau khuch mpeh văng sa. Tĭng nau tă bah ntŭk kan bah Thủ tướng, lơ 16/8 geh du rơh rƀŭn nsum bah nŭih kan Chính phủ, jêh nê wa Mu-hít-đin mra mâp Kđăch ndrel nsrŭng kan. Kđăch Al-su-tan Áp-đu-lah ntrŭnh tât nau kan rlu kan bah Thủ tướng ndrel nau kan bah Chính phủ mhe. Thủ tướng Mu-hít-đin lơ 14/8 hŏ ndơn păng mô geh nau kơl an bah âk nŭih tâm Quốc hội./.

Nŭih rblang: H’Thi