VOV4.M'nông: Nkhêp geh hăn khâl ngăn dak Cộng hòa Pháp, Thủ tướng Chính phủ Phạm Minh Chính hŏ geh rơh mâp đah nuĭh ntơh măt ƀon lan ta nkual châu Âu, dơi ƀư ta nhih pah kan Đại sứ quán Việt Nam ta Pháp. Lah ta rơh mâp, Thủ tướng an gĭt, păng gĭt jru nău rŏng, răm mƀak bah ƀon lan hŏ tât rơh mâp măt bah ăp ntŭk ngai ngât tâm nô nău nuh srê hôm krit nji, đah ăp nău rgop lĕ n'hâm suan, dơn kan đah ƀon tơm, neh dak, ƀon lan. Thủ tướng lah  rjăp, mpôl nuĭh Việt Nam gŭ ta dak bah dih dŭt âk đah 5 rkeh nuĭh, geh tâm boh khlay đah neh dak. Thủ tướng mpơl nău, tâm let năp tay, nău dơi Đảng, Ngih dak dŭt ŭch rŏng lah kônh wa gŭ dak bah dih mât uĕh tay nuih n'hâm tâm rnglăp, dơn ngoăy, nkre krêp dêh đah dak tơm jay, rgop tĭng ƀư gung trong tâm boh dak bah dih đăp mpăn, nsrôih ndôr êng, âk ntil, âk trong tâm boh dak bah dih; lor nchrăp, nsrôih lăp rgum dak bah dih jru hvi, lam lĕ rngôch lah băl tâm boh nsing nơm n'hanh lah dak lăp kan nsum uĕh, geh nău dơn kan tâm nsum mpôl dak bah dih./.

Nuĭh rblang: Điểu Thân