VOV4.M’nông – Nău ƀư mbơh tơm prăk nkrem vaccine njrăng Covid-19 mbra dơi ƀư ta măng nar prao, lơ 5/6/2021, ta Hà Nội. Thủ tướng Chính phủ Phạm Minh Chính mbra đah kruanh Mặt trận Tổ quốc Việt Nam, ăp n’gâng kan, nău kan, ăp nsum mpôl chính trị rêh jêng, ntoh măt nuĭh ƀon lan n’hanh nsum mpôl doanh nghiệp mbra râng nău ƀư khlay n’hanh geh nkô̆ nău khlay aơ.

Thủ tướng mbra râng nău ƀư mbơh tơm prăk nkrem vaccine njrăng Covid-1

Nău ƀư dơi ƀư gay kuăl jă ƀon lan, tahen lam dak, nuĭh gŭ dak bah dih, ăp doanh nghiệp, doanh nhân, ăp rmôt kan, ăp nuĭh tâm n’hanh bah dih dak ŭch râng rgop, ntop kơl, ntop kơl an Tơm prăk nkrem vaccine njrăng Covid-19 đah nuih n’hâm n’hanh lĕ nău kan yor săk soan ăp nuĭh, yor nsum mpôl, yor neh dak, rnoi mpôl n’hanh đah nuih n’hâm tâm rnglăp lam ntŭr neh, ndrel ty ntrôl rŭch srê ta ăp dak n’hanh lam ntŭr neh. Nchrăp, Việt Nam ŭch rwăt 150 rkeh dĭng vaccine njrăng Covid-19 gay chuh an nklăp 75 rkeh nuĭh ƀon lan, đah dĭng lĕ nău ŭch prăk geh nklăp 25 rbăn 200 rmen prăk.

Nŭih rblang: Y Sưng Phê Ja