VOV4.M’nông: Tâm nau mbơh bah năp ƀon lan, Thủ tướng mhe bah Malaysia I-xmêu xa-bri Y-a-cốp lơ 22/8 kuăl jă neh dak ndrel tâm rnglăp gay ma rdâng ăp nau jêr, nau ntul rlong yor srê Covid-19 lơh. Tâm nau ntoh ngơi, Thủ tướng mhe Malaysia lah rjăp ăp nŭih ƀon lan Malaysia kŏ lah dak kan nsum tâm di rnăk vâl têh bol ma npôl chroh ndrel rnoi mpôl êng êng. Rđau kan nkre ton lah, Chính phủ bah păng mra kơl an nau ntrŭt dăng nau kan chuh n’gang pơk hvi gay ma n’hao nau dơi mât ân ƀon lan bah năp srê Covid-19, tâm rnôk ƀư ăp nau kan gay ma ndâk nau văng sa dôl geh ma geh kol yor srê. Thủ tướng mhe bah Malaysia kŏ mbơh hŏ mâp nchră đah phung nŏng êng ta Malaysia, jă khân păng râng tâm au ndâk neh dak ndrel uỷ ban kan ngăn mpeh Covid-19, gay rgop ân nau lơh rdâng srê lam ntur neh./.

Nŭih rblang: H’Thi