VOV4.M'nông: Thủ tướng mhe Nhật Bản Fumio Kishida nar 6/10 mbơh mbra nsrôih lĕ n'hâm suan an rơh bầu cử Quốc hội bơi tât lôch rnôk âk nău ôp suăng lor nău lư mbơh rnoh âk kơl chính phủ mhe. Ăp rơh ôp suăng lor nău lư an saơ rnoh ŭch tĭng chính phủ mhe bah wa Kishida đêt lơn rđĭl đah rơh n'gâng kan bah Yoshihide Suga hao mât bôk năm e nơh. Lôch dơn nău kan, Thủ tướng Nhật Bản mbơh trong nchrăp nchrai Hạ viện tâm nar 14/10 tât- nar dŭt jêh rơh hop ndal aƀaơ bah Quốc hội Nhật Bản, pơk trong an rơh sơch lăp lam lĕ rngôch bah năp nar ton 31/10. Trong tâm rlong mbra ntơm bah nar 19/10. Tĭng mpôl uănh năl, ntul rlong dŭt têh lŭt glêh đah wa Kishida lah mhâm ƀư gay kơl đảng Dân chủ Tự do geh âk rnoh nsưng gŭ kan ta Hạ viện./.

Nuĭh rblang: Điểu Thân