VOV4.Mnông- kêng măng nar 7/10 tĭng mông ta ntŭk, Thủ tướng mhe Nhật Bản Kishida Fumio lĕ tâm nchră ngơi đah Tổng thống Nga Putin, tâm mbơh mpeh nău geh tât tâm ton đăp mpăn geh nđâp nău tâm rkeh tâm pit ndru gôl dak mpeh ba lơ Nga ntơ lah Kuril, ntrong kan n’hao nău tâm boh kan đah bar dak tâm let năp tay. Rơh tâm nchră ngơi geh tâm 25 mnĭt. Tổng thống Putin lĕ rhơn Thủ tướng mhe Kishida Fumio đah nău kan Thủ tướng tal 100 bâh Nhật Bản, nkre lah ŭch bar ding mbra geh tâm nchră tay an dơi geh đah Thủ tướng Abe Shinzo n’hanh Tổng thống nơm ta Singapore ta năm 2018. Ntoh ngơi đah báo chí lôch tâm nchră, wa Kishida Fumio an lah tât aƀaơ păng lĕ geh tâm nchră đah Tổng thống Mỹ, Thủ tướng Australia, tổng thống Nga lah dak kan ndrel dŭt khlăy bâh Nhật Bản. lôch nĕ hôm nha geh âk dak kan ndrel khlăy êng tay an geh tâm nchră.

Nuĭh rblang: Thị Đoắt