VOV4.M’nông: Lơ 8/10, Thủ tướng mhe bah Nhật Bản Kishida Fumio hŏ kuăl điện thoại tâm nchră đah Kruanh Trung Quốc Tập cận Bình ndrel Thủ tướng Ấn Độ Modi. Tĭng Sankei, kan Kruanh Trung Quốc kuăl điện tâm nchră đah Thủ tướng Nhật bản gay rhơn mô di lah nau vay geh tă bah ơm, ma nau kan aơ geh ƀư ntơm tâm năm e, rnôk nê lah wa Suga Yoshihide ndơn nau kan. Nkô̆ nau bah rơh tâm kuăl điện thoại mô geh mbơh âk, yơn tĭng ăp nŭih mêt uănh ri tă bah nau tâm kuăl điện thoại nchră nau, Trung Quốc ŭch ntrŭt dăng nau tâm boh ueh lăng đah Nhật Bản tâm rnôk nau tâm boh Mỹ-Trung dôl ma duh jêr. Thủ tướng Kishida kŏ kuiăl điện thoại tâm nchră đah Thủ tướng Ấn Độ Modi. Ta aơ, bar ding hŏ tâm nchră ăp nau rgop mpeh nau ntrŭt dăng tâm boh 4 ding, đah Nhật Bản-Ấn Độ-Mỹ ndrel Australia rƀŏng tât nau kan Ấn Độ-Thái Bình Dương dah rŏng ndrel pơk hvi. Đah nau tâm kuăl điện thoại đah Thủ tướng Ấn Độ Mo-di, Thủ tướng mhe Ki-shi-da Fumio hŏ ƀư jêh ăp nhoat bôk năp gay ma ntoh nau kan lŏ tâm boh rjăp ngăn đah ăp dạk tâm rmôt “puăn dak geh nau blau kan ngăn”./.

Nŭih rblang: H’Thi