VOV4.M’nông – Ôi 10/8, thủ tướng Nhật Bản Suga Yoshihide lĕ geh rơh kuăl điện tâm nchră đah tổng thống Mỹ Joe Biden n’hanh I ur. Tâm rơh kuăl tâm nchră đah 2 kruanh rđău kan, Thủ tướng Suga mĭn lah mpeh lôch uĕh bah Thế vận hội Olympic 2020. Rlău ma nĕ, wa Suga nkoch nău ŭch gay Thế vận hội Paralympic jêng du nău ƀư đăp mpăn n’hanh mô rvê, nkre ŭch kan ndrel bah Mỹ n’hanh jêh nĕ lĕ dơi dơn nău kơl bah wa Biden. 2 kruanh rđău kan mĭn lah đŏng khân pơng mbra kan ndrel rjăp gay rƀŏng tât nău ƀư rgop du “Ấn Độ Dương-Thái Bình Dương dah rŏng n’hanh pơk hvi”.

          Nu^h rblang: Y Sưng Phê Ja